ނަފްސާނީ އިޖުތިމާއީ އެހީތެރިކަމުގެ ޚިދުމަތް ފޯރުކޮށްދިނުމަށް ޚާއްޞަ ޤައުމީ ހެލްޕްލައިނެއް ގާއިމުކުރުމަށް ހުށަހަޅުއްވާފައިވާ ހުށަހެޅުއްވުމުގައި، މި ހެލްޕްލައިންއަކީ ދުނިޔޭގެ ތަރައްޤީވެފައިވާ ޤައުމުތަކުގައި ގާއިމުކޮށްފައިވާ ފެންވަރުގެ، ހުރިހާ ސަލަމަތީ ޚިދްމަތެއް އެއް ނަންބަރަކުން ލިބިދޭ ޚިދްމަތެއްކަމުގައި ހަމަޖައްސަވައި، ރައްޔިތުންނަށް ދިމާވާ ހުރިހާ އިމަރޖެންސީ ޙާލަތެއްގައި ގުޅޭނެ ހެލްޕްލައިނެއްގެ ގޮތުގައި ކަނޑައެޅުއްވުމަށް ފެނިވަޑައިގަންނަވާތީ، މިކަމާ ގުޅޭގޮތުން ސޯޝަލް ކައުންސިލުގައި މަޝްވަރާކުރެއްވުމަށްފަހު، މިކަން ކުރެއްވޭނެގޮތެއް ކަނޑައެޅުއްވުމަށްފަހު، އަލުން ވަޒީރުންގެ މަޖިލީހަށް ހުށަހެޅުއްވުން.