ރާއްޖޭގައި އޮންލައިން ޕޭމަންޓް ޕްލެޓްފޯމްތައް މެދުވެރިކޮށް، ފައިސާ ލިބިގަތުމަށް ހުރި ހުރަސްތަކަށް ޙައްލެއް ހޯދުމަށްޓަކައި ތިރީގައިވާ ކަންކަން ކުރިއަށް ގެންދެވުން.

o ރާއްޖޭގައި ކްރިއޭޓިވް އިކޮނޮމީއެއް ގާއިމުކުރުމުގެ ގޮތުން ސަރުކާރުން ކަނޑައަޅުއްވާފައިވާ ސިޔާސަތު ތަންފީޒުކުރުމަށްޓަކައި އެންމެ މުހިންމު އެއްކަމަކީ، ރާއްޖޭގައި އޮންލައިން ޕޭމަންޓް ޕްލެޓްފޯމްތައް މެދުވެރިކޮށް، ފައިސާ ލިބިގަތުމަށް ހުރި ހުރަސްތައް ނައްތާލުންކަމަށްވާތީ، ރާއްޖޭގައި އީ-ވޮލެޓްގެ ޚިދުމަތް ގާއިމުކުރުމަށްޓަކައި ބޭންކް އޮފް މޯލްޑިވްސްގައި ދަންނަވައިގެން ސަރުކާރުން ބޭނުންވާގޮތަށް ގިނަވެގެން 1 ހަފްތާގެ ތެރޭގައި މި ޚިދުމަތް ލިބޭނެގޮތް ހަމަޖެއްސުން.

o އީ-ކޮމަރސް ޕްލެޓްފޯމެއްކަމަށްވާ ޕޭޕަލްއަށް އެކްސަސް ހޯދުމާ ގުޅޭގޮތުން އެމެރިކާ ސަރުކާރާ މަޝްވަރާކުރައްވައިގެން މި ޚިދުމަތަށް އެކްސެސް ލިބޭނެގޮތް ހޯއްދެވުން. އަދި ކަމާގުޅޭ ފަރާތްތަކާ މަޝްވަރާކުރައްވައިގެން ޕޭޕަލްފަދަ އެހެން ޕްލެޓްފޯމްތަކަށްވެސް އެކްސެސް ހޯދުމުގެ މަސައްކަތް ކުރުން.

o ސައިބަރ ސެކިއުރިޓީގެ ޤާނޫނެއް ވުޖޫދަށް ގެނައުމަށްޓަކައި އެކަމަށް ޚާއްޞަ ބިލެއް ޑްރާފްޓްކުރުމުގެ މަސައްކަތް ކުރިއަށް ގެންދިއުން.