އެއަރ އެންބިއުލަންސް ތަޢާރުފުކުރުމާ ގުޅޭ ކަންކަން ތިރީގައިވާގޮތަށް ކުރިއަށްގެންދެވުން.
o އައިލެންޑް އޭވިއޭޝަން ސަރވިސަސް ލިމިޓެޑު (އައި.އޭ.އެސް) ގެ ކޮމާޝަލް ފްލީޓްގެ ތެރެއިން، މި މަޝްރޫޢަށް ބޭނުންވާ DHC-6-300 މަރުކާގެ 2 އެއަރކްރާފްޓް (ފުރޮޅުލީ) ނެގުމަށްފަހު އެއަރ އެންބިއުލަންސްގެ ގޮތުގައި ބޭނުންކުރުމަށް އިތުރަށް ކުރަންޖެހޭ ކަންކަން، ކުރިއަށް އޮތް 2 މަސްދުވަހުގެ ތެރޭގައި ކުރުމަށްފަހު، 2024 ވަނަ އަހަރުގެ މާރިޗުމަހުގެ 1 ވަނަ ދުވަހު މި ޚިދުމަތް ފެށުން.

o އަމިއްލަ ފަރާތަކުން ޞިއްޙީ ދާއިރާއަށް ދިނުމަށް ކަނޑައަޅާފައިވާ 1,000,000 (އެއް މިލިއަން) އެމެރިކާ ޑޮލަރު، މި މަސައްކަތަށް ބޭނުންކުރުން. އަދި މިކަމަށް އިތުރަށް ބޭނުންވާ ފައިސާ، މިނިސްޓްރީ އޮފް ފިނޭންސްއިން ހަމަޖެއްސުން.

o އެއަރ އެންބިއުލަންސްގެ ގޮތުގައި ބޭނުންކުރާ 2 އެއަރކްރާފްޓް އޮޕަރޭޓްކުރާނީ އައި.އޭ.އެސް އިން ކަމުގައި ހަމަޖެއްސުން.

o މި ޚިދުމަތް ވިލަރެސްކުރާނެ މައި އިދާރާއަކީ މޯލްޑިވްސް ނޭޝަނަލް އެމްބިއުލާންސް ސާރވިސްކަމުގައި ކަނޑައެޅުން.