- ނުކުޅެދުންތެރިކަން ހުންނަ މީހުންނަށް ވަޒީފާގެ ފުރުޞަތުތައް ފަހިކޮށްދިނުމަށް އެކުލަވައިލައްވާފައިވާ ސިޔާސަތު ތަންފީޒުކުރެއްވުމަށް ކަނޑައަޅުއްވާފައިވާ ޓައިމްލައިނާ އެއްގޮތަށް އެ ސިޔާސަތު ތަންފީޒުކުރެއްވުމުގެ ކަންކަން ކުރިއަށް ގެންދެވުން.

- މިއީ ވަރަށް ފުޅާ ދާއިރާއެއްގައި ކުރެވޭނެ ކަމަކަށްވުމާއެކު ކަމާގުޅޭ އެހެން މިނިސްޓްރީތަކާ މަޝްވަރާކުރައްވައިގެން މި ސިޔާސަތަށް އިތުރުކުރައްވަންޖެހޭ ބައިތައް އިތުރުކުރެއްވުން. މީގެ އިތުރުން ނުކުޅެދުންތެރިކަން ހުންނަ ފަރާތްތަކަށް ފަހިވާނެ ގޮތަށް ޕްލޭނިންގ އަދި ކޮންސްޓްރަކްޝަނާ ގުޅޭ ގަވާއިދުތަކަށް ގެންނަވަންޖެހޭ ބަދަލުތައް ވީހާވެސް ކުރު މުއްދަތެއްގެ ތެރޭގައި ގެންނެވުން. އަދި
އެ ގަވާއިދުތަކާ އެއްގޮތަށް މިހާރު ހުރި އިމާރާތްތަކަށް ގެނެވޭނެ ބަދަލުތައް ބައްލަވައި ގެންނަވަންޖެހޭ ބަދަލުތައް ގެންނެވުމާއެކު ކުރިއަށް އޮތްތަނުގައި އިމާރާތްކުރާ ތަންތަން އެ ގަވާއިދުތަކާ އެއްގޮތަށް އިމާރާތްކުރެއްވުން.