ދަރިމައިވުމާ ގުޅޭ ފަރުވާތައް ކަމަށްވާ އައި.ވީ.އެފް. އަދި އައި.ޔޫ.އައި. ގެ ފަރުވާ އާސަންދައިގެ ތެރެއިން ހަމަޖެއްސެވުމަށް އާސަންދަ މެދުވެރިކޮށް ލިބޭނެ އިންތިޒާމު ހަމަޖައްސައިދިނުމާ ގުޅޭގޮތުން ތިރީގައިވާ ކަންކަން ކުރިއަށްގެންދެވުން.

• "އައި.ވީ.އެފް" އަދި "އައި.ޔޫ.އައި" ފަރުވާތައް ސްކީމްއިން ފޯރުކޮށްދިނުމަށް އާސަންދަ ސްކީމްގެ ހިންގުމުގެ ގަވާއިދު އިސްލާހުކުރުން.•

• "އައި.ވީ.އެފް" އަދި "އައި.ޔޫ.އައި" ޕްރޮސީޖަރ ސްކީމް މެދުވެރިކޮށް ދޭން ފެށުމަށް އުސޫލެއް އެކުލަވައިލައި، މި އުސޫލުގެ ދަށުން އެކަމަށް އެދި ހުށަހަޅާ ފަރާތްތަކުގެ ތެރެއިން ޝަރުތު ފުރިހަމަވާ ފަރާތްތަކުގެ ތެރެއިން ކަނޑައެޅޭ ފަރާތްތަކަށް "އައި.ވީ.އެފް" އަދި "އައި.ޔޫ.އައި" ޚިދުމަތް ފޯރުކޮށްދޭން ފެށުން.

• ރާއްޖޭގައި މި ޚިދުމަތް ފޯރުކޮށްދޭ އަމިއްލަ ހޮސްޕިޓަލްތަކުން ސްކީމް މެދުވެރިކޮށް ޚިދުމަތަށް ޚަރަދު ހަމަޖައްސައިދޭން ފެށުން.

• އާސަންދަ ކުންފުނި މެދުވެރިކޮށް ރާއްޖެއިން ބޭރުގައި މި ޚިދުމަތް ފޯރުކޮށްދޭނެ ވަކި އަދަދެއްގެ ހޮސްޕިޓަލްތަކެއް ކަނޑައެޅުން.

• ފަރޓިލިޓީ ކެއަރ އަށް ޚާއްސަ ސެންޓަރެއް ރާއްޖޭގައި ޤާއިމްކުރުން.

• ދަރިމައިވުމާގުޅޭ ފަރުވާގެ ތެރޭގައިހިމެނޭ ބޭސް، ޑައިގްނޯސް ކުރުމަށް ހެދޭ ޓެސްޓުތައް އަދި ސަރޖިކަލް ޕްރޮސީޖަރތައް ސްކީމް މެދުވެރިކޮށް ފޯރުކޮށްދިނުމަށް، އާސަންދަ ކުންފުންޏަށް އެންގުމަށްފަހު، ޚިދުމަތް ފޯރުކޮށްދޭން ފެށުން.

• ދަރިމައިވުމުގެ ޞިއްޙަތާ ގުޅޭ ޤައުމީ ޕްރޮގްރާމެއް އިފްތިތާހް ކުރުން.

• ފަރޓިލިޓީ ކެއަރ ފަންޑް އެކުލަވައިލައި ތަޢާރަފުކުރުން. އަދި މި ފަންޑަށް 30 މިލިއަން ރުފިޔާ ޖަމާކޮށްދިނުން.