ރާއްޖޭގައި ހެލިކޮޕްޓަރު އުދުއްސުމުގެ ޚިދުމަތް އަލުން ތަޢާރުފުކުރުމަށްޓަކައި، ތިރީގައިވާ ކަންކަން ކުރިއަށްގެންދެވުން.

o 'މެޑިވެކް' އާއި 'ސަރޗް އެންޑް ރެސްކިއު' ގެ ޚިދުމަތްތައް ލާޒިމުކޮށް، 2 އިންޖީނުލީ ހެލިކޮޕްޓަރ ބޭނުންކޮށްގެން، ހެލިކޮޕްޓަރ އޮޕަރޭޝަން ފެށުމަށް ކުރަންޖެހޭ ކަންކަން ކުރުން. މި ޚިދުމަތްތައް ނޫން އެހެން އާންމު ދަތުރުތައް ކުރަންވާނީ ހުއްދަ ދީފައިވާ ހެލިޕޯޓަކުން ކަމަށް ކަނޑައެޅުން.

o ވާދަވެރި ބީލަމެއްގެ ތެރެއިން ނުވަތަ 'ރެސްޓްރިކްޓަޑް ޓެންޑަރ' އެއްގެ ތެރެއިން ހެލިކޮޕްޓަރު އުދުއްސުމުގެ ޚިދުމަތް ފޯރުކޮށްދޭނެ ބަޔަކު ހޯދުން. އަދި އެފަދަ ފަރާތަކަށް 5 އަހަރާއި 7 އަހަރާ ދެމެދުގެ ""އެކްސްކްލޫސިވިޓީ"" އެއް ދިނުން.

o އިންޓަރނޭޝަނަލް ސިވިލް އޭވިއޭޝަން އޯގަނައިޒޭޝަން (އައިކާއޯ) ގެ ސްޓޭންޑަރޑްތަކާ އެއްވަރަށް ދިވެހި ވައިގެ ދަތުރުފަތުރުގެ ޞިނާޢަތް ގެނައުމަށްޓަކައި، އެކުލަވައިލައްވާފައިވާ މަދަނީ ވައިގެ ދަތުރުފަތުރުގެ އައު ބިލަށް، މި ސިޔާސަތުތަކާ ގުޅިގެން ގެންނަންޖެހޭ އެއްވެސް ބަދަލެއް އޮތްތޯ ބެލުމަށްފަހު ގެންނަންޖެހޭ ބަދަލުތައް ގެނައުން.

o ވެލާނާ އިންޓަރނޭޝަނަލް އެއަރޕޯރޓުގައި ހެލިޕޯޓަކަށް ޖާގަ ހަމަޖެއްސެވުމަށް ކުރަންޖެހޭ ކަންކަން ކުރުން. އަދި އިތުރު ސަރަހައްދެއްގައި ހެލިޕޯޓެއް ހަދަންޖެހޭކަމަށް ފާހަގަކުރެވޭނަމަ، އެކަމަށް ކުރަންޖެހޭ ކަންކަން ކުރިއަށްގެންދިއުން.

o ހެލިކޮޕްޓަރު މަސައްކަތް ފަށައިގަތުމަށް ބޭނުންވާ މި ދާއިރާގެ ތަޖުރިބާކާރު ކޮންސަލްޓަންޓުން ހޯދުމަށާއި، ރެގިއުލޭޓަރީ މަސައްކަތް ބައިނަލްއަގުވާމީ މިންގަނޑަށް ކުރުމަށްޓަކައި، ސިވިލް އޭވިއޭޝަން އޮތޯރިޓީއަށް އިތުރަށް ބޭނުންވާ އޮފީސް ޖާގަ ހަމަޖެއްސުމަށް ބޭނުންވާ ފައިސާ، ބަޖެޓަށް ސަޕްލިމެންޓް ކޮށްދިނުން.

o ސިވިލް އޭވިއޭޝަން އޮތޯރިޓީގެ އޮނިގަނޑު އިސްލާހުކޮށް، އިންޑަސްޓްރީން ފަންނީ ޤާބިލް މީހުން އެޓްރެކްޓްކޮށް ރީޓެއިން ކުރެވޭވަރުގެ މުސާރައިގެ އޮނިގަނޑެއް އެކުލަވައިލުން.