ދިވެހި ޤައުމިއްޔަތު އިޢާދަކުރުމުގެ ޤައުމީ ނިޒާމު ޤާއިމުކޮށް ކުރިއަށް ގެންދެވުމަށްޓަކައި ކުރައްވަންޖެހޭ ތިރީގައިވާ ކަންކަން ކުރިއަށްގެންދެވުން.

• ދިވެހި ޤައުމިއްޔަތު އިޢާދަކުރުމުގެ ޤައުމީ ނިޒާމު ހިންގުމަށް ބޭނުންވާ ބަޖެޓް، އެކި ފިޔަވަހިތަކަކަށް ބަހާލައިގެން ހަމަޖެއްސުން.

• ރާއްޖޭގެ ހުރިހާ ސްކޫލެއްގައި ޕްރައިމެރީ ލެވެލްގައި 'ދިވެހި ޤައުމިއްޔަތު' މާއްދާއެއްގެ ގޮތުގައި މަންހަޖުގައި ހިމެނުން.

• ރާއްޖޭގެ ހުރިހާ ސާނަވީ ފެންވަރުގައި ތަޢާރަފުކުރެވޭ 'ދިވެހި ޤައުމިއްޔަތު' މާއްދާއާއި، 'ޑިޒައިންގ ތިންކިންގ' (އުފެއްދުންތެރިކަން) އާއި 'އިންޓަރނޭޝަނަލް ރިލޭޝަންސް' ސާނަވީ ފެންވަރުގައި މަންހަޖުގައި ހިމެނުން.

• ރާއްޖޭގެ ހުރިހާ ސްކޫލުތަކުގައި މަތީ ސާނަވީ ފެންވަރުގައި 'ދިވެހި ޤައުމިއްޔަތު' މާއްދާއެއްގެ ގޮތުގައި މަންހަޖުގައި ހިމެނުން.

• ދިވެހިވަންތަކަމަށާއި ތަހުޒީބު ސަގާފަތަށް ކޮމިއުނިޓީ ލެވެލްގައި ހިޔާވައްސެއް އުފައްދައި ދިނުމުގެ ގޮތުން ރަށު ފެންވަރުގައި ޤާއިމުކުރާ ނޭޝަނަލް ލައިބްރަރީގެ ގޮތްޕެއް (ސަގާފީ ސެންޓަރެއްގެ ގޮތުގައި) ރާއްޖޭގެ ކޮންމެ ރަށެއްގައި ޤާއިމުކުރުން.

• ދިވެހި ޤައުމީ ތަރިކައިގެ ކޮލެޖާއި، ޤައުމީ ތަރިކަ ދިރާސާކުރާ މަރުކަޒާއި، ދިވެހި ޤައުމީ ޗާޕުޚާނާ ޤާއިމްކުރުން.